h6ej9i8045j0的奇摩 Momo 新蛋購物精選商品介紹推薦

近年娛樂圈喜事連連，由伴郎伴娘團，去到婚禮陣容同排場都會成為大家嘅焦點。噚日，宋仲基宋慧喬「宋宋CP」喺首爾舉行婚禮，親友陣容至場地嘅豪華程度都係爆燈，今日就同大家睇吓一啲明星嘅超豪婚禮啦！

宋仲基宋慧喬

檢視相片

韓劇《太陽的後裔》主角宋仲基宋慧喬（宋宋CP）喺噚日進行世紀婚禮，邀請約300名親友出席，親友陣容豪華程度拍得住各大頒獎典禮。另外，佢哋揀咗首爾嘅新羅酒店1樓迎賓館行禮，單單係租用場地嘅費用已經大約花58萬港元。另外，有傳宋仲基以100億韓圜（約6,900萬港元）喺首爾梨泰院買咗獨立屋作婚後住所。

李家誠 徐子淇

檢視相片

「千億新抱」徐子淇喺2006年12月同李家誠喺澳洲舉行世紀婚禮。徐子淇當日所著嘅婚紗同首飾價值超過2000萬港元、1億禮金、100萬姐妹開門利是、450萬場地費、150名賓客包機食宿費用600萬。你以為淨係得咁多？當然唔止啦！李家誠喺婚禮前更豪擲3.74億買私人飛機方便飛往澳洲同環遊世界度蜜月。另外，老爺李兆基買咗3個共超過2億嘅物業送畀佢哋，旗下公司嘅1050員工都有一萬元「利是」，呢個真係堪稱史上最豪華婚禮。

黃曉明 Angelababy

檢視相片

2015年10月，黃曉明同Angelababy喺上海舉辦婚禮，邀請超過2000名親友到場，場面盛大。黃曉明為咗令Baby可以好似公主咁出嫁，佢哋將會場佈置到好似皇宮咁宏偉，單單場地費、200圍酒席，再加上喜糖、現場佈置等等已經超過450萬。另外，超豪華婚車都係價值不菲，市價至少超過600萬，Baby喺婚宴上所戴嘅皇冠報稱至少達兩千萬。除此之外，有報道指黃曉明俾咗3838萬作禮金同埋上海豪宅作婚後住所。

李玟 Bruce Rockowitz

檢視相片

2011年10月，李玟同集團總裁樂裕民（Bruce Rockowitz）喺香港一連兩晚舉行豪華婚禮，邀請大約300名親友到場，場面熱鬧。老公Bruce豪擲1.5億港元籌備婚禮，除咗李玟嘅婚紗價值100萬及佩戴800萬珠寶首飾之外，佢哋更包起賓客食宿費用及豪擲1200萬邀請國際巨星Bruno Mars、Ne-yo等等喺婚禮上獻唱。

李嘉欣 許晉亨

檢視相片

2008年11月許晉亨同李嘉欣喺許家價值7億港元嘅私人別墅舉行盛大婚禮，雖然儀式一切從簡，但係婚禮所花嘅費用就一啲都唔簡單。李嘉欣所著嘅兩套婚紗已經價值大約130萬、多套晚裝價值大約500萬，連埋其他珠寶首飾、新郎禮服及布置等各方面開支已經超過1億港元。另外，連現場採訪嘅記者都有份，每人可以獲得千元利是。

周杰倫 昆凌

檢視相片

2015年初，周杰倫同昆凌喺英國舉行夢幻古堡婚禮，佢哋只係邀請50名親友觀禮，花費大約250萬港元包晒佢哋食宿同機票。另外，價值大約125萬婚紗、婚後派對200萬、放煙火服務12.5萬等等。婚禮除咗昆凌所戴嘅皇冠同項鍊（總價大約1500萬港元）之外，其他都不接受贊助，認真大手筆。